ବାରଙ୍ଗ,୧୯/୦୩ :ଚନ୍ଦକା-ଡମପଡା ଅଭୟାରଣ୍ୟରେ ଘୁରି ବୁଲୁଛି ଗୋଟିଏ ପ୍ରାପ୍ତ ବୟସ୍କ ଜଙ୍ଗଲି ଦନ୍ତା ହାତୀ।କେତେବେଳେ ଜଳାଶୟରେ ସୋଉଛି ତ ଆଉ କେତେବେଳେ ଏକା ଏକା ଏଣେ ତେଣେ ପାଗଳ ଭଳି ଘୁରି ବୁଲୁଛି।ଚନ୍ଦକା-ଡମପଡା ବନବିଭାଗ ଏଭଳି ଏକ ଅସୁସ୍ଥ ହାତୀକୁ ଠାବ କରିଥିବା ବେଳେ ଚନ୍ଦକା DFO ଶରତ ବେହେରାଙ୍କ ନିର୍ଦ୍ଦେଶରେ ଏକ ୨୦ ଜଣିଆ ଟିମ୍ ଜଙ୍ଗଲରେ ପହଞ୍ଚି ଦନ୍ତା ହାତୀକୁ କାବୁ କରି ଚିକିତ୍ସା କରିଛନ୍ତି।
ସୂଚନା ଅନୁସାରେ,ଚନ୍ଦକା-ଡମପଡା ଅଭୟାରଣ୍ୟର ୱାଚ୍ ଟାୱାର ନିକଟରେ ଥିବା ଏକ ଜଳାଶୟ ମଧ୍ୟରେ ଗତ କିଛିଦିନ ହେଲା ୧୫ବର୍ଷର ଅଣ୍ଡିରା ଦନ୍ତା ହାତୀ ଗୁରୁତର ଅବସ୍ଥାରେ ଆହାତ ହୋଇ ପାଣିରେ ସୋଇ ରହିଥିବା ବନ ବିଭାଗ ଟିମ୍ ଦେଖି ଥିଲେ।ଦଳ ଛାଡ଼ି ହାତୀଟି ଏକାଏକା କଣ ପାଇଁକି ଜଳାଶୟରେ ସୋଇ ରହୁଛି ତାର ଗତିବିଧି ଉପରେ ନଜର ରଖିବା ପରେ ହାତୀର ପେଟରେ ଏକ ଗଭୀର କ୍ଷତ ସୃଷ୍ଠି ହୋଇ ସେଥିରେ ପୋକ ହୋଇ ଥିବାରୁ ହାତୀଟି ଅସୁସ୍ଥ ହୋଇ ପଡ଼ିଥିବା ବନ ବିଭାଗ ଟିମ୍ ଜାଣିବାକୁ ପାଇଥିଲେ।ଓୟୁଏଟିର ଅବସରପ୍ରାପ୍ତ ପ୍ରାଣୀ ବିଶେଷଜ୍ଞ ଡ଼ଃ ଇନ୍ଦ୍ରମଣି ନାଥ,ନନ୍ଦନକାନନର ଡ଼ଃ ସାରଙ୍ଗଙ୍କ ସମେତ ଏକ ୨୦ଜଣିଆ ଟିମ୍ ସେଠାରେ ପହଞ୍ଚି ଦନ୍ତା ହାତୀକୁ ଟ୍ରାଙ୍କୁଲାଇଜ କରି ଚିକିତ୍ସା କରାଯାଇ ଥିବା DFO ଶ୍ରୀଯୁକ୍ତ ବେହେରା ସୂଚନା ଦେଇଛନ୍ତି।
