ବ୍ୟୁରୋ : କାହାକୁ ସ୍ବପ୍ନ ଦେଖିବା ମନା ନାହିଁ।ହେଲେ ସ୍ବପ୍ନକୁ ସାକାର କରିବା କେତେ ଜଣଙ୍କ ଭାଗ୍ୟରେ ମିଳିଥାଏ।ଏମିତି ଜଣେ ଅଭିନେତା ସ୍ବପ୍ନ ଦେଖି ସାକାର କରିବାକୁ ଯାଇ ହରାଇଛନ୍ତି ଲକ୍ଷ୍ୟ ଲକ୍ଷ୍ୟ ଟଙ୍କା ସମେତ ମାନସିକତା।ସେ କଳାକାର ଆଉ କେହି ନୁହନ୍ତି ସେ ହେଉଛନ୍ତି ଯାତ୍ରା ଅଭିନେତା ଟୁକୁନା ବରାଳ।ଯାତ୍ରାରେ ନାୟକ ଭୂମିକାରେ ଅଭିନୟ କରିବା ଦିନ ଠାରୁ ସ୍ବପ୍ନ ଦେଖି ଆସୁଥିଲେ ନିଜେ ଜଣେ ଯାତ୍ରା ପାର୍ଟି ମାଲିକ ହେବେ ବୋଲି। ସତରେ ତାହା ମଧ୍ୟ ସାକାର ହେଲା ଏବଂ ନୂଆ ଯାତ୍ରାପାର୍ଟି ଗଢି ନାମକରଣ ଦେଲେ “ରାଜାରାଣୀ ରଙ୍ଗମଞ୍ଚ”। ହେଲେ ଯାତ୍ରା ପାର୍ଟି ଜନ୍ମ ନେବା ଦିନ ଠାରୁ ପାର୍ଟି ଧକ୍କେଇବା ଆରମ୍ଭ ହୋଇଥିଲା।ତେବେ ଏହି ଅନୁଷ୍ଠାନରେ ବଡ଼ ବଡ଼ କଳାକାର ଥିଲେ ସୁଦ୍ଧା ରାଜାରାଣୀ ଚାଲୁ ଚାଲୁ ସବୁଦିନ ପାଇଁ ବନ୍ଦ ହୋଇଗଲା ଅନୁଷ୍ଠାନ ଓ ଲିଭିଗଲା ରାଜାରାଣୀ ରଙ୍ଗମଞ୍ଚ।
ସୂଚନା ଅନୁସାରେ,ଯଲିଉଡର କିଛି ଆଗଧାଡିର ଅଭିନେତା ଯାତ୍ରା ଅନୁଷ୍ଠାନ “ପୃଥିବୀ ଅପେରା,ସୋମନାଥ ଅପେରା ଇତ୍ୟାଦି ଅନୁଷ୍ଠାନ ସୃଷ୍ଠିକରି ସର୍ବସ୍ବାନ୍ତ ହେବା ସହ ଅତୀତ କଥାକୁ ମନେ ପକାଇ ଦିନ ଗଣୁଛନ୍ତି।।କଥାରେ ଅଛି ‘ବାମନ ହୋଇ ଚାନ୍ଦକୁ ହାତ ବଢାଇଲେ ଏଭଳି ଅବସ୍ଥା ଭୋଗିବାକୁ ପଡେ ବୋଲି ସାଧାରଣରେ ଚର୍ଚା ହେଉଛି।
