ବ୍ୟୁରୋ : ସ୍କୁଲ ଵସରେ ଲାଗିଲା ନିଆଁ।ଅଳ୍ପକେ ବର୍ତ୍ତିଲେ କାର୍ଯ୍ୟରତ କର୍ମଚାରୀଙ୍କ ସମେତ ମିସ୍ତ୍ରୀ।ବାରଙ୍ଗ ଥାନା ଅଧିନସ୍ତ ଆନନ୍ଦ ବଜାର ସ୍ଥିତ ଏକ ଓଲୋଡିଂ ଦୋକାନରେ ସ୍କୁଲବସ ମେଣ୍ଟନାନ୍ସ କାମ ଚାଲିଥିବା ବେଳେ କୌଣସି କାରଣରୁ ନିଆଁ ଲାଗି ହୁତୁହୁତୁ ହୋଇ ଜଳିଗଲା ସ୍କୁଲବସ।ଖବର ପାଇ ଘଟଣା ସ୍ଥଳରେ ସ୍ଥାନୀୟ ବାରଙ୍ଗ ଅଗ୍ନିସମ ବାହିନୀ ପହଞ୍ଚି ନିଆଁକୁ ଆୟତ କରିଥିଲା।ହେଲେ ସେତେ ବେଳକୁ ବସ ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଥିଲା।ଏପଟେ ଘଟଣା ସ୍ଥଳରେ ବାରଙ୍ଗ ପୋଲିସ ପହଞ୍ଚି କେଉଁ କାରଣ ପାଇଁ ଏତେ ବଡ ଅଘଟଣ ଘଟିଲା ତାହା ପଚାରି ବୁଝିବା ସହ ତଦନ୍ତ ଜାରି ରଖିଛି।
ପ୍ରକାଶ ଯେ,ସ୍କୁଲ ବସଟି ଜଳୁଥିବା ସମୟରେ ନିଆଁର ତାପମାତ୍ର ଏତେ ପରିମାଣର ଥିଲା ଯେ,ଧୂଆଁ ଆକାଶ ମାର୍ଗକୁ ମେଘୁଆ ବାଦଲ ପରି ଘେରି ଯାଇଥିଲା।ତେବେ ସମ୍ପୂର୍ଣ୍ଣ ଜଳିପୋଡ଼ି ପାଉଁଶ ହୋଇଯାଇଥିବା ସ୍କୁଲ ବସଟି କେଉଁ ସ୍କୁଲର ତାହା ଜଣା ପଡିନାହିଁ।
