ବ୍ୟୁରୋ,୨୬/୦୨ : ମହାକୁମ୍ଭ ମେଳାର ସଙ୍ଗମ ସ୍ଥଳରୁ ସଂଗୃହୀତ ଅମୃତ ଜଳଲାଗି ଆଜି ମହାଶିବ ରାତ୍ରୀ ଅବସରରେ ଭୁବନେଶ୍ୱର ଲିଙ୍ଗରାଜ ମନ୍ଦିର ଉତ୍ତର ଦ୍ୱାର ସମ୍ମୁଖରେ ଜନସାଧାରଣଙ୍କୁ କରାଯାଇଛି ବିତରଣ।ଏହି ବିତରଣ ଉତ୍ସବରେ ଆଜି ୩୦ ମିଲିଗ୍ରାମ ଜଳ ବୋତଲ ପ୍ରାୟତଃ ୨୦ହଜାର ଲୋକଙ୍କୁ ବିତରଣ କରାଯାଇଥିଲା।ପ୍ରୟଗାରାଜ୍ ସଙ୍ଗମସ୍ଥଳର ପବିତ୍ର ଜଳକୁ ବିତରଣ କରିଥିଲେ ଡଃ ସୁନୀତି ମୁଣ୍ଡ। ଯିଏକି ନିରନ୍ତର ସମାଜ କଲ୍ୟାଣ କାମରେ ନିଜକୁ ନିୟୋଜିତ କରି ଆସୁଛନ୍ତି।
ଉଲ୍ଲେଖ ଯୋଗ୍ୟ,ପ୍ରୟାଗରାଜକୁ ଯିବା ପୂର୍ବରୁ ସୁନୀତି ଭୁବନେଶ୍ୱରର ବିଭିନ୍ନ ୱାର୍ଡରୁ ଘରଘର ବୁଲି ଘୃତ ସଂଗ୍ରହ କରିଥିଲେ।ଯେଉଁ ଘୃତରେ ସେ ମାଆ ଗଙ୍ଗାଙ୍କ ଆଳତୀ କରିବା ସହିତ ମହାକୁମ୍ଭର ଯଜ୍ଞକୁଣ୍ଡରେ ଓଡ଼ିଶାବାସୀଙ୍କ ପାଇଁ ମଙ୍ଗଳ ମନାସୀ ଶାନ୍ତି ଯଜ୍ଞାହୁତି ଦେଇଥିବା ପ୍ରକାଶ କରିଛନ୍ତି। ଲିଙ୍ଗରାଜ ମନ୍ଦିରଠାରେ ଆଜି ପୂର୍ବାହ୍ନରୁ ଜନସାଧାରଣଙ୍କ ନିମନ୍ତେ ଅମୃତ ଜଳ ବିତରଣ କରିବା ପରେ ସେ ଭୁବନେଶ୍ୱରର ବିଭିନ୍ନ ବୃଦ୍ଧାଶ୍ରମ, ଅନାଥ ଆଶ୍ରମ ଏବଂ ଅନ୍ଧ ମୁକ ବଧିର ଅନ୍ତେବାସୀଙ୍କ ଠାରେ ପହଞ୍ଚି ପବିତ୍ର ଜଳ ବିତରଣ କରି ଶୁଭ ମନାସିଛନ୍ତି ।
